ახალი ზელანდიის სამხრეთით უამინდობისა და ძლიერი ქარის შედეგად გამოწვეულმა წყალდიდობამ ქალაქი დანიდინი დატბორა - წერს Reuters. 1500-მდე ოჯახი ევაკუირებულია, 100-მდე შენობა კი განადგურებული. ახალი ზელანდიის სამაშველო ბრიგადები ადიდებული მდინარე ტაიერის კალაპოტში მოქცევას ცდილობენ. სინოპტიკოსები კუნძულზე ამინდის გაუარესებას ელოდებიან. ინფორმაცია მსხვერპლის შესახებ არ გავრცელებულა. როგორც ადგილობრივი მედია იუწყება, მოსახლეობის ევაკუაცია დროულად განხორციელდა.