ისლანდიაში გულფოსის ჩანჩქერზე დაკარგული ნიკა ბეგაძის სამძებრო სამუშაოები აქტიურად მიმდინარეობს. საგარეო საქმეთა სამინისტროს განცხადებით, უწყება თანამშრომლობს ადგილობრივ სამართალდამცველებთან და ინფორმაციას უწყვეტ რეჟიმში იღებს.
საქართველოს მოქალაქე ჩანჩქერზე სათევზაოდ იყო წასული, რადგან ადგილზე მის მანქანასთან ანკესებია ნაპოვნი. ადგილობრივი მედიის ინფორმაციით, პოლიცია აცხადებს, რომ ჩანჩქერში ჩავარდნის შემთხვევაში, გადარჩენის შანსი, ფაქტობრივად, არ არსებობს,
მათივე ინფორმაციით, მანქანაში ძალადობის კვალი არ აღინიშნებოდა. სამართალდამცველებმა მისი კუთვნილი ავტომობილიდან მობილური ტელეფონი, პასპორტი და სხვა საბუთები ამოიღეს.
ნიკა ბეგაძე ისლანდიაში სასწავლებლად იყო წასული. საქართვლოში მისი მეზობლების თქმით, მომხდარის შესახებ ინფორმაცია გუშინ შეიტყვეს, მათივე ცნობით, შემთხვევა 19 ივლისს მოხდა. მეზობლები აცხადებენ, რომ მომხდარი ფაქტი უბედური შემთხვევაა და თვითმკვლელობის ვერსიას გამორიცხავენ.