ინტერპოლმა გამოაქვეყნა ტერორისტული დაჯგუფება „ისლამური სახელმწიფოს“ (ISIS-ის) წევრთა 173-კაციანი სია, რომლებიც თვითმკვლელთა თავდასხმებისთვის ემზადებიან. ამის შესახებ The Guardian წერს და აღნიშნავს, რომ შესაძლოა, მათ ევროპაში შეაღწიონ.

მედიის ცნობით, სია აშშ-ის დაზვერვის სამსახურის მიერ სირიასა და ერაყში ჩატარებული ოპერაციის დროს მიღებულ ინფორმაციაზე დაყრდნობით შედგა.

The Guardian-ის ინფორმაციით, ამ დროისთვის უცნობია, მოასწრეს თუ არა ტერორისტებმა ევროპაში შეღწევა.