იტალიელმა აგენტმა ლუკა პუჩინელიმ საზოგადოებრივთან ექსკლუზიურად დაადასტურა, რომ შესაძლოა, რომან ჭანტურიამ კლუბი შეიცვალოს და დროებით რუსეთში ითამაშოს.

„ჭანტურიამ „ემპოლისთან“ ახალი კონტრაქტი 2020 წლამდე გააფორმა, მაგრამ შესაძლოა, იჯარით რუსულ კლუბში წავიდეს - მას ამ ქვეყნის პრემიერლიგის ყაზანის „რუბინსა“ და „როსტოვში“ იწვევენ. რუსებს 6-თვიანი იჯარა არ აწყობთ, ერთწლიანი სურთ, „რუბინი“ კი რომანის ტრანსფერის გამოსყიდვითაა დაინტერესებული. ჯერ საბოლოო პასუხი „ემპოლისაც“ არ უთქვამს. ვნახოთ, ყველაფერი უახლოეს დღეებში გადაწყდება“, - ამბობს ლუკა პუჩინელი.

იტალიურ „ემპოლში“ 21 წლის ქართველი ლეგიონერი ოფიციალურად 2015 წლიდან ირიცხება, თუმცა მანამდე ორი წელი ასაკობრივ გუნდებში ვარჯიშობდა. რომან ჭანტურია 2017 წლის დასაწყისში პორტუგალიურ „ოლანენსეში“ გაანათხოვრეს - ახალგაზრდა თავდამსხმელს საქართველოს ყველა ასაკობრივ ნაკრებში უთამაშია.