ივლისი 24, 2017
92
ოკუპაციის წინააღმდეგ აქციის მონაწილეები თბილისიდან კასპის რაიონის სოფელ ყარაფილაში საოკუპაციო ზოლთან გაემგზავრნენ.
აქციის ორგანიზატორის დავით ქაცარავას განცხადებით, დღეს სოფელ ყარაფილაში საორგანიზაციო ჯგუფის წევრები ერთობლივ შეხვედრას გამართავენ, სადაც 25 ივლისიდან საოკუპაციო ზოლებთან დაგეგმილ პატრულირებაზე იმსჯელებენ.
როგორც ორგანიზატორები ამბობენ, 25 ივლისიდან პატრულირებას მოხალისეების ჯგუფები სხვადასხვა სადემარკაციო ხაზთან განახორციელებენ.
ორგანიზატორების განცხადებით, აქციების მიზანს საქართველოს დეოკუპაცია და საკითხის მოგვარებაში საერთაშორისო თანამეგობრობის მეტი ჩართულობა წარმოადგენს.
მაჩვენე მეტი