დონალდ ტრამპი ამერიკელ სენატორებს მოუწოდებს, თავდაცვის ბიუჯეტი გაზარდონ. ამის შესახებ აშშ-ის ლიდერმა ნორფოლკში, სამხედრო ბაზაზე ვიზიტისას განაცხადა. მისი თქმით, აშშ-ის წინა მთავრობამ თავდაცვის სფეროს დაფინანსების შემცირებით შეცდომა დაუშვა, რასაც მისი ადმინისტრაცია გამოასწორებს.

ტრამპი ნორფოლკში ახალი სამხედრო გემის პრეზენტაციაზე იმყოფებოდა. ავიამზიდი ჯერალდ ფორდი აშშ-ის სამხედრო-საზღვაო ძალების ერთ-ერთი ყველაზე მძლავრი და თანამედროვე ხომალდია. მისი ღირებულება 13 მილიარდ დოლარს აღწევს.