ისრაელის მთავრობა ალ აქსას მეჩეთთან უსაფრთხოების ზომების გამკაცრებას აპირებს.
როგორც ხელისუფლების წევრები აცხადებენ, წმინდა დაგილის დასაცავად სხვადასხვა ზომების მიღება განიხილება.
ალ აქსას მეჩეთთან მეტალოდეტექტორების დამონტაჟებას გუშინ პალესტინელებსა და ისრაელის უსაფრთხოების ძალებს შორის შეტაკებები მოჰყვა. დაიღუპა 5 პალესტინელი. მომხდარის გამო ე.წ.ახლოაღმოსავლური კვარტეტის წევრმა ქვეყნებმა შეშფოთება გამოთქვეს.
საფრანგეთი, შვედეთი და ეგვიპტე კი იერუსალიმში ძალადობის ესკალაციის გამო გაეროს უშიშროების საბჭოს საგანგებო სხდომის მოწვევის ინიციატივით გამოვიდნენ, რომელიც ხვალ გაიმართება.
პალესტინელები ისრაელის ხელისუფლებას ალ აქსას მეჩეთზე ერთპიროვნული კონტროლის დამყარებაში ადანაშაულებენ. ამის გამო პალესტინის ავტონომიის ლიდერმა მაჰმუდ აბასმა ისრაელთან კონტაქტების შეწყვეტის შესახებ განაცხადა.
იერუსალიმში მდებარე ალ აქსას მეჩეთი და მისი მიმდებარე ტერიტორია როგორც იედეველებისთვის, ისე მუსლიმებისთვისაც წმინდა ადგილს წარმოადგენს.