გიორგი მარგველაშვილმა პრეზიდენტის სარეზერვო ფონდიდან „ჯიპას“ 282 ათასი ლარი გადაურიცხა, - აღნიშნულია სახელმწიფო აუდიტის დასკვნაში, სადაც პრეზიდენტის სარეზერვო ფონდიდან დაფინასებულ 7 პროექტზეა საუბარი, რომლებიც გიორგი მარგველაშვილმა 2015-2016 წლებში დააფინანსა. მათგან ყველაზე მეტი, 282 ათასი ლარი საზოგადოებრივ საქმეთა ინსტიტუტს (ჯიპა) გადაეცა პროექტისთვის “სახელმწიფოებრივი მოწყობის საპრეზიდენტო კოლეგიუმი”.

საქართველოს პრეზიდენტი „ჯიპაში“ 12 წლის განმავლობაში მუშაობდა, 2006-2010 წლამდე კვლევით დეპარტმენტს ხელმძღვანელობდა, ხოლო 2010-იდან 2012 წლამდე რექტორის თანამდებობა ეკავა.

პრეზიდენტის სარეზერვო ფონდიდან დაფინანსებული პროექტები:

აიპ „პლატფორმა ცვლილებისათვის“ - პროექტი “ სოფლის ფოტოკლუბი პანკისი“ – 19 ათასი ლარი

აიპ „უსაფრთხო განვითარების ხიდი“ - პროექტი „გაძლიერდი და შეიცვალე“ – 13.9 ათასი ლარი

ააიპ კავშირი „საფარი“ – პროექტი „ადრეულ ქორწინებასთან ბრძოლის სტრატეგიის განსაზღვრა“ – 19,9 ათასი ლარი

აიპ „აფხაზეთის ვირტუალური არქივი“ - პროექტი „აფხაზეთის ვირტუალური არქივი“ – 95,1 ათასი ლარი

თსუ „ქართულ-ოსურ ურთიერთობათა სამეცნიერო-კვლევითი ცენტრი“ - პროექტი „ქართულ-ოსური ლიტერატურული და კულტურული ურთიერთობების ხელშეწყობისათვის“ – 58,8 ათასი ლარი

აიპ „დემოკრატიის ლაბორატორია“ - პროექტი „მე და კონსტიტუცია“ -120 ათასი ლარი

აიპ „ საქართველოს საზოგადოებრივი საქმეთა ინსტიტუტი“ - პროექტი „სახელმწიფოებრივი მოწყობის საპრეზიდენტო კოლეგიუმი“ -282,3 ათასი ლარი

საქართველოს პრეზიდენტის ადმინისტრაციის ხელმძღვანელის, გიორგი აბაშიშვილის განცხადებით, საქართველოს პრეზიდენტის სარეზერვო ფონდებისა და ადმინისტრაციის ბიუჯეტის შესწავლა თავად ადმინისტრაციის მოთხოვნით, განხორციელდა.