გამოკვლევების შედეგად დაზარალებულს თავის ტვინის შერყევა დაუდგინდა. პაციენტი დაკვირვებას და მკურნალობას განაგრძობს ნერვოლოგიურ განყოფილებაში, - ამის შესახებ ჟურნალისტებს აღმაშენებლის გამზირზე, აქციის დროს დაშავებული გოგონას მკურნალმა ექიმმა, ბესარიონ ალადაძემ განუცხადა.
„პაციენტი შემოყვანილია 112-ის ბრიგადის მიერ. მისი ინფორმაციით, თავში უცხო პირის მიერ ნასროლი ბლაგვი საგანი აქვს მოხვედრილი, რის შემდეგაც თავბრუ დაეხვა და თავის ტკივილის შეგრძნება ჰქონდა. პაციენტს ჩაუტარდა თავის ტვინის კომპიუტერული ტომოგრაფია. გამოკვლევების შედეგად, დაზარალებულს თავის ტვინის შერყევა დაუდგინდა. პაციენტი დაკვირვებას და მკურნალობას განაგრძობს ნევროლოგიურ განყოფილებაში. ამ ეტაპისთვის მისი მდგომარეობა სტაბილურია და დაკვირვების ქვეშ იმყოფება“, - განაცხადა ბესარიონ ალადაძემ.
შეგახსენებთ, აღმაშენებლის გამზირზე გამართული აქციისა და კონტრაქციის მონაწილეებს შორის დაპირისპირების შედეგად, რამდენიმე ადამიანი დაშავდა, მათ შორის „ვეროპული საქართველოს“ აქციის მონაწილე გოგონა, რომელიც ალადაშვილის სახელობის კლინიკაშია გადაყვანილი.
„ევროპული საქართველოს“ ორგანიზებით, 23 ივლისს აქცია „არა რუსულ ფაშიზმს საქართველოში“ გაიმართა. აქციის მონაწილეებმა აღმაშენებლის გამზირზე ჩაიარეს, სადაც „ქართული მარშის“ ლიდერები და მხარდამჭერები იმყოფებოდნენ. ორი აქციის მონაწილეებმა ერთმანეთს ბოთლები, კვერცხები და სხვადასხვა საგანი დაუშინეს.