ივნაკა ტრამპის მეუღლე და პრეზიდენტ ტრამპის მრჩეველი, ჯარედ კუშნერი სენატის წინაშე წარდგა და რუსეთთან კავშირების შესახებ მისი მისამართით გაჟღერებული ყველა ბრალდება კატეგორიურლად უარყო.
კუშნერმა, რომელიც ტრამპის წინაასაარჩევნო შტაბის ერთ-ერთი ხელმძღვანელი იყო, განაცხადა, რომ მისი ყველა ქმედება კანონიერი იყო. პრეზიდენტის სიძე რუსეთთან რაიმე ტიპის კავშირს კატეგოირიულად უარყოფს.
კუშნერი სენატის დაზვერვის კომიტეტში მას შემდეგ დაიბარეს, რაც რამდენიმე ამერიკულმა გამოცემამ რუს იურისტთან მის საეჭვო კავშირებზე დაწერა.
„მინდა ერთმნიშვნელოვნად განვაცხადო, რომ მე არ მქონია არანაირი შეთანხმება რუსეთთან, უფრო მეტიც, საარჩევნო შტაბიდან არავინ ვიცი, ვინც რუსეთთან მოლაპარაკებებს აწარმოებდა. მე არ მქონდა არანირი კონტაქტი, რომელიც შესაძლოა გაკიცხვის საგანი გახდეს", - განაცხადა სენატიდან გამოსულმა კუშნერმა.
36 წლის ჯარედ კუშნერი პრეზიდენტ ტრამპის ადმინისტრაციაში უფროსი მრჩევლის პოსტს იკავებს.