ეროვნული სატყეო სააგენტო კოლხური ბზის გადასარჩენად სამუშაოებს აწარმოებს. ეროვნული რეაგირების გეგმის ფარგლებში, გურიაში, იმერეთსა და სამეგრელო-ზემო სვანეთში ბზის კორომების შეწამვლა მიმდინარეობს.

მავნებლის მიერ დაზიანებული ბზის დამუშავება ბიოლოგიური პრეპარატით ხდება. გარდა ამისა, ეროვნული სატყეო სააგენტო მავნებლის წინააღმდეგ ბრძოლის სხვა ღონისძიებებსაც ახორციელებს. ეს პროცესი წელიწადში სამჯერ მეორდება.

ბრძოლის ერთ-ერთ ასეთ საშუალებას ფერომონიანი ხაფანგები წარმოადგენს.