აუდიტის სამსახურის ხელმძღვანელს უფლებამოსილების ვადა დღეს ეწურება. ვინ შეცვლის ლაშა თორდიას, ჯერჯერობით უცნობია. მოვალეობას დროებით მისი მოადგილე ნინო ლომჯარია შეასრულებს.

მმართველი გუნდის ნაწილი აცხადებს, რომ თორდიას კანდიდატურაზე უმრავლესობის შიგნით კონსულტაციები ჯერ არ დაწყებულა, ნაწილი კი ამბობს, რომ კონსულტაციები კანდიდატთან დაკავშირებით უკვე მიმდინარეობს.

ეკა ბესელიას თქმით, აუდიტის სამსახურის ხელმძღვანელის კანდიდატურა საპარლამენტო რიგგარეშე სესიაზე არ განიხილება. ბესელია არ გამორიცხავს, აღნიშნულ საკითხთან დაკავშირებით დამატებითი რიგგარეშე სესია ჩაინიშნოს.