„ჯორჯიან უოთერ ენდ ფაუერი“ პეკინის ქუჩაზე, ცენტრალურ მაგისტრალზე მთავარ სამუშაოებს ასრულებს. რეაბილიტაციის პროცესი გერმანელ ექსპერტებთან ერთად, გეგმა- გრაფიკის მიხედვით მიმდინარეობს.

გუშინ ღამით, გერმანელი ექსპერტების უშუალო მონაწილეობით, 1000 მმ-იანი მაგისტრალური მილის ოთხ ადგილას ჩაჭრა მოხდა და სპეციალური სამუშაოები დაიწყო.

ტექნიკური სამუშაოების მიმდინარეობის პერიოდში, 26 ივლისის ჩათვლით, მოსახლეობას წყალი გრაფიკით მიეწოდება.

სამუშაოების დასრულების შემდეგ, 27 ივლისიდან, წყალმომარაგების სტაბილური მიწოდება აღდგება.