ამერიკის შეერთებული შტატების პრეზიდენტმა დონალდ ტრამპმა ევროპისა და ევრაზიის საკითხებში სახელმწიფო მდივნის თანაშემწის პოსტზე ამერიკელი პოლიტოლოგის უეს მიტჩელის კანდიდატურა წარადგინა. ინფორმაციას პრეზიდენტის ადმინისტრაცია ავრცელებს.

მიტჩელი ევროპული პოლიტიკის ანალიზის ექსპერტთა ცენტრის თანადამფუძნებელია. ბარაკ ობამას პრეზიდენტობის დროს, ეს პოსტი ვიქტორია ნულანდს ეკავა. მისი გადადგომის შემდეგ კი, თანამდებობა ვაკანტური იყო. ამერიკული მედიის ინფორმაციით, უეს მიტჩელს საკმაოდ ხისტი პოზიცია აქვს რუსეთთან მიმართებაში.