ივლისი 28, 2017
163
ამერიკული სამხედრო ტექნიკა, რომელიც სპეციალურად მრავალეროვნული სწავლება "ღირსეული პარტნიორი 2017"-სთვის ფოთის პორტიდან შემოვიდა, თბილისისკენ დაიძრა.
ტექნიკა გემიდან დღეს დილით გადმოტვირთეს. ამის შემდეგ ამერიკული საბრძოლო მანქანების პირველი კოლონა ვაზიანის პოლიგონისკენ გაემართა.
ამერიკელ სამხედრო მოსამსახურეებთან ერთად, თბილისში საბრძოლო მანქანებით სწავლებაში მონაწილე ქართველი სამხედრო მოსამსახურეებიც წამოვიდნენ.
"ღირსეული პარტნიორი 2017" ოფიციალურად ვაზიანის პოლიგონზე 30 ივლისს გაიხსნება. ეს არის ყველაზე ფართომასშტაბიანი სწავლება, რომელიც ამ დრომდე საქართველოში ჩატარებულა.
მაჩვენე მეტი