ისრაელის შინაგან საქმეთა სამინისტროს მიერ შემუშავებული ახალი კანონი ალ აქსას მეჩეთში ახალგაზრდებისთვის სალოცავად შესვლის აკრძალვის შესახებ ძალაში შევიდა, რასაც პალესტინელების მხრიდან პროტესტის მორიგი ტალღა მოჰყვა.

შეტაკებები პალესტინელებით დასახლებულ რამდენიმე ადგილზე პარალელურად მიმდინარეობდა. იერუსალიმში პალესტინელებსა და ისრაელელ პოლიციას შორის ფიზიკურ დაპირისპირებას არაბული ლიგა რელიგიური ომის გაღვივების საფრთხედ აფასებს.

ურთიერთობა დაიძაბა ისრაელსა და იორდანიას შორისაც, რასაც წინ უძღვოდა ამანში ისრაელის საელჩოსთან იორდანიის მოქალაქის მკვლელობა.