თეთრ სახლში საკადრო ცვლილებები მიმდინარეობს. ბოლო ერთ კვირაში პოსტი ორმა მაღალჩინოსანმა დატოვა. პრესსპიკერის შემდეგ თანამდებობიდან პრეზიდენტის აპარატის უფროსი გადადგა.

ამერიკული პრესის ინფორმაციით, ორივე მათგანის წასვლა თეთრი სახლის კომუნიკაციების დირექტორს ენტონი სკარამუჩის სახელს უკავშირდება.

მიმდინარე პროცესებს მედიამ თეთრი სახლის დრამა უწოდა. რესპუბლიკელმა სენატორებმა პრეზიდენტის აპარატის თანამშრომლებს მოუწოდეს, რომ შიდა დაპირისპირება მათ შორის დასრულდეს.