საქართველოში სიმსივნით დაავადებულ ბავშვთა პირველი სარეაბილიტაციო სასტუმრო ცენტრი აშენდება. მშენებლობას საფუძველი სოფელ დიღომში ჩაეყარა.

ღონისძიებას ხელისუფლების წარმომადგენლები, სასულიერო პირები და ბერი ანდრიას სახელობის საქველმოქმედო ფონდის ბენეფიციარები დაესწრნენ. მშენებლობას სწორედ ეს ფონდი და ინდივიდუალური დონორები დააფინანსებენ.

6 500 კვ. მეტრი ფართობის მიწა ფონდს ეკონომიკისა და მდგრადი განვითარების სამინისტრომ გადასცა.

სარეაბილიტაციო ცენტრს "ბედნიერი სახლი" 20 ბავშვისა და მშობლისთვის 24-საათიანი მომსახურების გაწევის შესაძლებლობა ექნება. მომსახურებით რეგიონებში მცხოვრები სიმსივნით დაავადებული ბავშვები ისარგებლებენ. მშენებლობა 2019 წლის ზაფხულში დასრულდება.