საპროცედურო საკითხთა და წესების კომიტეტი დღეს მეტალურგიული და სამთო მრეწველობის მუშაკთა პროფკავშირების მიერ ინიცირებულ ორ საკანონმდებლო წინადადებაზე იმსჯელებს.
ინიციატივა საგადასახადო კოდექსსა და „სახელმწიფო პენსიის შესახებ“ კანონში ცვლილებების შეტანას ითვალისწინებს.
ერთ-ერთი წინადადება მეშახტეებისა და მაღაროელების საშემოსავლო გადასახადისგან სრულ გათავისუფლებას გულისხმობს.
დღესვე განიხილავენ ინიციატივას, მძიმე, მავნე და სახიფათო პირობებში დასაქმებული პირებისთვის სახელმწიფო პენსიის 55 წლიდან დანიშვნის შესახებ. იმ შემთხვევაში თუ ბიუროს სხდომაზე წინადადებების მიზანშეწონილობა დადგინდება, საინიციატივო ჯგუფი მზად არის კანონით დადგენილ 45 დღის ვადაში 30 000 ხელმოწერა შეაგროვოს და პარლამენტში წარადგინოს.