ამერიკის შეერთებული შტატები აღმოსავლეთ ევროპელი მოკავშირეების გვერდით დგას, - ეს განცხადება ამერიკის ვიცე-პრეზიდენტმა ესტონეთში ვიზიტისას გააკეთა.
მაიკ პენსი ჟურნალისტებს ტალინის ქუჩებში სეირნობისას გაესაუბრა. მისი თქმით, ვაშინგტონი ნატო-ს კოლექტიური თავდაცვის პრინციპის ერთგულია.
პენსმა ასევე მოუწოდა რუსეთს, შეწყვიტოს ურჩი რეჟიმების, ირანისა და ჩრდილოეთ კორეის მხარდაჭერა და ასევე შეაჩეროს დესტაბილიზაციური აქტივობები უკრაინაში.
ესტონეთი მაიკ პენსის აღმოსავლეთ ევროპული ტურნეს პირველი გაჩერებაა. ის უკვე შეხვდა ესტონეთის პრემიერ-მინისტრს.
დღესვე დაგეგმილი მისი მოლაპარაკებები ლატვიისა და ლიტვის ლიდერებთან. ამის შემდეგ ვიცე-პრეზიდენტი საქართველოში გამოემგზავრება.
სულ ბოლოს კი პენსს მონტენეგროში ელოდებიან.