რა გზავნილით ჩამოდის ამერიკის ვიცე-პრეზიდენტი თბილისში. მთავარი მესიჯი ბალტიისპირეთის ქვეყნების, საქართველოსა და მონტენეგროსთვის საერთოა, შეერთებული შტატები პარტნიორების გვერდით დგას, - ასეთია მაიკ პენსის განცხადება.

ამერიკის 48-ე ვიცე-პრეზიდენტს მეუღლესთან ერთად საერთაშორისო აეროპორტში 7 საათისთვის ელოდებიან.

ტრამპის ადმინისტრაციის უმაღლესი წარმომადგენლის პირველი ვიზიტის განსაკუთრებულ მნიშვნელობაზე ყველა მხარე თანხმდება. მის ჩამოსვლას ექსპერტები და პოლიტიკოსები, შეერთებული შტატების მხარდაჭერის დადასტურებად აფასებენ და აცხადებენ, რომ ვიზიტი ორი ქვეყნის ურთიერთობას ახალ ეტაპზე გადაიყვანს.

ანალიტიკოსების და სხვადასხვა პარტიის წევრების პოზიციებით მიშა ფეიქრიშვილია მოამბის პირდაპირ ეთერში.