თითქმის ნახევარი მილიარდი ლარი შემოსავალის სახით მხოლოდ 6 თვეში. საქართველოს კომერციულმა ბანკებმა ბოლო ნახევარი წლის განმავლობაში წმინდა მოგების სახით 448 მილიონი გამოიმუშავეს.

სპეციალისტები ბანკების მიერ მიღებულ შემოსავალში პრობლემას ხედავენ. მათი მოგება წინა წელთან შედარებით 54 პროცენტით გაიზარდა.

თანხის ძირითადი ნაწილი ჯარიმებსა და საურავებზე მოდის. მაღალია ფიზიკური პირებისგან მიღებული თანხებიც. შედარებით დაბალი კი ბიზნესის დაკრედიტება და შესაბამისად, იურიდიული პირებისგან მიღებული შემოსავლებია.

ექსპერტების ნაწილი თვლის, რომ საბანკო სექტორი ქვეყნის ეკონომიკის განვითარებას ხელს ნაკლებად უწყობს.