ვიზიტის ფარგლებში, შეერთებული შტატების ვიცე- პრეზიდენტი, მეუღლესთან ერთად, სრულიად საქართველოს კათოლიკოს-პატრიარქს ეწვია. უწმინდესმა სტუმრებს სიონის საკათედრო ტაძარში უმასპინძლა.

ილია მეორემ მაიკ პენსს დონალდ ტრამპთან და პირველ ლედისთან საჩუქრები გაატანა. თავად ამერიკის ვიცე-პრეზიდენტსა და მის მეუღლეს კი ოქროს სამაჯური ხელმოწერით და თამარ მეფის ოქროს ჯვარი უსახსოვრა.

წმინდა სინოდის წევრებმა სტუმრებს ტაძრის შექმნის ისტორია გააცნეს. ტაძარში წმინდა ნინოს ვაზის ჯვარი გამოაბრძანეს, რომელიც საცავს წელიწადში მხოლოდ ერთხელ ტოვებს.

აშშ-ის ვიცე-პრეზიდენტმა პატრიარქთან შეხვედრის და სიონის ტაძრის დათვალიერების სურვილი თავად გამოთქვა.