ილია მეორემ მაიკ პენსს დონალდ ტრამპთან და პირველ ლედისთან საჩუქრები გაატანა. თავად ამერიკის ვიცე-პრეზიდენტსა და მის მეუღლეს კი ოქროს სამაჯური ხელმოწერით და თამარ მეფის ოქროს ჯვარი უსახსოვრა.

შეხვედრა საქართველოს კათოლიკოს-პატრიარქსა და მაიკ პენსს შორის სიონის საკათედრო ტაძარში შედგა. სინოდის წევრებმა სტუმრებს ტაძრის შექმნის ისტორია უამბეს.

ეკლესიაში წმინდა ნინოს ვაზის ჯვარი გამოიტანეს, რომელიც წელიწადში მხოლოდ ორჯერ იხსენება. აშშ-ის ვიცე-პრეზიდენტმა პატრიარქთან შეხვედრის და სიონის ტაძრის დათვალიერების სურვილი თავად გამოთქვა.