ბელიაშვილის ქუჩაზე დატყვევებული, საქართველოს წითელ ნუსხაში შეტანილი მურა დათვი, დროებით, სასამართლოს გადაწყვეტილებამდე, თბილისის ზოოლოგიურ პარკს მიბარდა.
დათვის ვოლიერში უკანონო ყოფნას ბოლო რამდენიმე დღეა, მედიასა და სოციალურ ქსელებში აქტივისტები აპროტესტებდნენ. ისინი ცხოველის გადაყვანას მცხეთის მუნიციპალიტეტის სოფელ ცხვარიჭამიაში არსებულ ზოოლოგიურ ცენტრში ითხოვენ და გარემოსა დაცვის სამინისტროს იმ პირის ინტერესების დაცვაში ადანაშაულებენ, რომელსაც ცხოველი უკანონო ტყვეობაში ჰყავდა.
გარემოსა დაცვის სამინისტრო კი, გავრცელებული ბრალდებების პასუხად, კიდევ ერთხელ განმარტავს, რომ გარემოსდაცვითი ზედამხედველობის დეპარტამენტის თანამშრომლების მხრიდან, დათვის უკეთეს პირობებში გადაყვანის უზრუნველსაყოფად, ყველა საჭირო პროცედურა კანონით გათვალისწინებული ნორმების შესაბამისად გატარდა.