ანაკლიის ღრმაწყლოვანი პორტის ოპერირების შესახებ, ამერიკულ კომპანიასთან თანამშრომლობის მემორანდუმის გაფორმებას ეკონომიკური ექსპერტები ეხმაურებიან. მათი განმარტებით, ეს ევროპის ქვეყნებთან სავაჭრო ურთიერთობების გაღრმავებას შეუწყობს ხელს.

გია ჯანდიერი პოლიტიკურ მნიშვნელობაზეც საუბრობს და აღნიშნავს, რომ საქართველოს აქვს შესაძლებლობა გახდეს მნიშვნელოვანი პარტნიონი, როგორც ამერიკის და ევროპისათვის.

შეგახსენებთ, რომ გუშინ მთავრობის ადმინისტრაციაში ანაკლიის ღრმაწყლოვანი პორტის ოპერირების შესახებ ამერიკულ კომპანიასთან ხელმოწერის ცერემონია გაიმართა.

დოკუმენტი კომპანიისგან საქართველოში ინვესტიციის განხორციელებასა და სამომავლო ორმხრივ თანამშრომლობას ითვალისწინებს.