შეერთებული შტატები რუსეთთან ღია კონფლიქტის გარეშე ცდილობს არსებული უთანხმოების მოგვარებას, - ამის შესახებ აშშ-ის სახელმწიფო მდივანმა, რექს ტილერსონმა განაცხადა.
მაღალჩინოსანს მიაჩნია, რომ ამერიკელებს რუსეთთან კარგი ურთიერთობები სურთ.
„არ მგონია, რომ ამერიკელებს, ბირთვულ ზესახელმწიფოსთან ცუდი ურთიერთობები სურდეთ, თუმცა ჩვენ ვერ ვხედავთ ურთიერთობების იმ გაუმჯობესებას, რომელსაც ვისურვებდით“, - აცხადებს ტილერსონი.
რექს ტილერსონი აღნიშნავს, რომ რუსეთის ხელისუფლებასთან შეხვედრაზე მან ურთიერთობების გაუმჯობესებისთვის მზაობა გამოთქვა. ამასთან, სახელწიფო მდივანი აცხადებს, რომ არც თავად და არც პრეზიდენტი ტრამპი არ არიან აღფრთოვანებულნი ახალი კანონპროექტით, რომელიც რუსეთის წინააღმდეგ სანქციების გაფართოებას მოიცავს, თუმცა, მისივე თქმით, მოსკოვის მიმართ დაწესებული სანქციები მინსკის შეთანხმების რეალიზაციამდე არ გაუქმდება.