სოფელ ხელთუბანში აქციის მონაწილეებს შიდა ქართლის გუბერნატორი და მელიორაციის სამსახურის თანამშრომლები შეხვდნენ.
მოსახლეობა სარწყავი წყლის დეფიციტზე საუბრობს და მის შეუფერხებლად მიწოდებას ითხოვს.
სოფლის მოსახლეობასთან ერთად გუბერნატორმა კახაბერ სამხარაძემ ტირიფონის არხი დაათვალიერა და მეჯვრისხევის გამშვები ფარი დროებით გახსნა.
მელიორაციის სამსახურში აცხადებენ, რომ წყლის დეფიციტი განსაკუთრებით ცხელ სეზონზე, აგვისტოში იქმნება. პრობლემას კი ის ქმნის, რომ ზონკარის წყალსაცავი და ტირიფონის არხი ოკუპირებულ ტერიტორიაზეა მოქცეული. გამოსავალს მელიორაციის სამსახური რწყვის სეზონზე გრაფიკის შემოღებაში და მორწყვის წვეთოვან სისტემაზე გადასვლაში ხედავს.
სარწყავი წყლის მოთხოვნით, სოფელ ხელთუბნის მოსახლეობამ გორი-მეჯვრისხევის გზა გადაკეტა და ადგილობრივ ხელისუფლებასთან შეხვედრას ითხოვდა.