პენტაგონი თეთრ სახლს უკრაინისთვის ლეტალური იარაღის მიწოდების რეკომენდაციით მიმართავს, - ამის შესახებ ინფორმაციას ამერიკული ტელეკომპანია NBC News-ი თეთრ სახლზე დაყრდნობით ავრცელებს.

აშშ-ის თავდაცვის უწყების რეკომენდაციაში საუბარია ტანკსაწინააღმდეგო სარაკეტო კომპლექსებზე FGM-148 Javelin.

ევროპაში ნატო-ს ძალების ყოფილი მთავარსარდალი ჯეიმს სტავრიდისი დარწმუნებულია, რომ უკრაინისთვის იარაღის მიწოდების ინიციატივა უშუალოდ აშშ-ის თავდაცვის მდივან ჯეიმს მეტისს ეკუთვნის.

კიევისთვის იარაღის მიწოდებასთან დაკავშირებით ინფორმაცია ოფიციალურად ჯერ არ დადასტურებულა, თუმცა სახელმწიფო დეპარტამენტსა და პენტაგონში ამის შესაძლებლობას არ გამორიცხავენ.