NBA–ს პირველი ქართველი ჩემპიონი ზაზა ფაჩულია დღეს საქართველოში ჩამოვა და ლარი ობრაიანის სახელობის ჩემპიონის თასს ჩამოიტანს.

მისმა გუნდმა Golden State Warriors ჩემპიონატის ფინალურ სერიაში Cleveland Cavaliers-ი ანგარიშით 4:1 დაამარცხა და ჩემპიონის ტიტული მოიპოვა.

საქართველოს ნაკრების კაპიტანი დღეს, 19:00 საათზე სასტუმრო „რუმსში“ პრესკონფერენციას გამართავს.

ქართველ გულშემატკივრებს საშუალება ექნებათ, ლარი ობრაიენის სახელობის თასი თბილისში იხილონ და მასთან ფოტოები გადაიღონ.

7 აგვისტოდან, ფაჩულია საქართველოს ნაკრებთან ერთად ევრობასკეტისთვის მზადებას დაიწყებს.

"ევრობასკეტ 2017" ოთხ ქვეყანაში რუმინეთში, ფინეთში, ისრაელსა და თურქეთში 31 აგვისტოდან -17 სექტემბრის ჩათვლით ჩატარდება - მატჩების რეპორტაჟებს საზოგადოებრივი მაუწყებელი შემოგთავაზებთ.