პარტია "ახალი საქართველო" სამოქალაქო მოძრაობას "ძალა ერთობაშია" შეუერთდა. პარტიის წევრები ყარაფილასთან ჩავიდნენ და მცოცავი ოკუპაცია საოკუპაციო ზოლიდან 400 მეტრში გააპროტესტეს. მათ სამოქალაქო დამკვირვებლებისგან საოკუპაციო ხაზთან არსებული ვითარების შესახებ ინფორმაცია მიიღეს და სიმბოლურად ცოცხალი ჯაჭვი შეკრეს. პარტიის ლიდერმა გიორგი ვაშაძემ ხელისუფლებას და ოპოზიციას დეოკუპაციის ერთობლივი სტრატეგიის შემუშავება შესთავაზა და მოსახლეობას ოკუპაციის გასაპროტესტებლად გააქტიურებისკენ მოუწოდა.

„7 წუთში შეუძლია რუსეთის ფედერაციის ტანკებს ცენტრალურ მაგისტრალზე ამოსვლა და გადაკეტვა. ჩვენ ყველაფერი უნდა გავაკეთოთ, რომ ეს არ დავუშვათ და ამისათვის მხოლოდ მშვიდობიან გზებს უნდა მივმართოთ“, - განაცხადა ვაშაძემ.