დაშვებული სახელმწიფო დროშები, ეროვნული გვარდიის საპატიო ყარაული, -მდინარი ბებიაშვილს სამშობლოში სამგლოვიარო მარშით დახვდნენ.
ამერიკის შეერთებული შტატების საჰაერო ძალების სამხედრო თვითმფრინავი თბილისის საერთაშორისო აეროპორტში 15 საათსა და 20 წუთზე დაეშვა.
25 წლის სერჟანტი ავღანეთიდან მეგობრებმა და მტკიცე მხარდაჭერის მისიის ხელმძღვანელობამ, სამხედრო პატივით გამოაცილეს. კიდევ ერთხელ მწუხარება გამოთქვეს ქართველი მშვიდობისმყოფელის დაღუპვის გამო და საერთაშორისო უსაფრთხოებაში ქართველი ჯარისკაცების როლზე ისაუბრეს.
უმცროსი სერჟანტი 3 დღის წინ ავღანეთში პატრულირების დროს განხორციელებული თავდასხმისას დაიღუპა.
მდინარი ბებიაშვილს დღესვე მშობლიურ სოფელში, მარტოთუბანში გადაასვენებენ.
ნატო-ს მტკიცე მხარდაჭერის მისიაში ქართველი ქვედანაყოფი 2015 წლიდან მონაწილეობს