როგორია ოკუპაციის მძიმე შედეგები აგვისტოს ომიდან მეცხრე წლისთავზე.

ოკუპირებული რეგიონებიდან დევნილი 150 000-მდე მოქალაქიდან 30 000-მდე ადამიანი დღემდე დევნილობაში რჩება.

დღეს მოამბემ ერთ-ერთი ოკუპირებული დასახლების გადაღება მოახერხა. საუბარია ნანგრევებად ქცეულ სოფელ დისევზე, რომელსაც ომის შემდეგ ერთადერთი მკვიდრი ჰყავს.

მავთულხლართებს მიღმა მცხოვრები მოქალაქე ჩვენს გადამღებ ჯგუფთან საკუთარ მძიმე საცხოვრებელ პირობებზე ჰყვება.

მცოცავი ოკუპაცია დღემდე გრძელდება - რუსი სამხედროების მიერ აღმართული ხელოვნური ბარიერების შედეგად, ორადაა გაყოფილი სოფლები და ოკუპირებულ ტერიტორიაზეა მოქცეული ტყეების და საძოვრების დიდი ნაწილი.

ადგილობრივთა უმთავრესი პრობლემა გახშირებული გატაცებებია. ე.წ. საზღვრის უკანონოდ კვეთის ბრალდებით რუსი სამხედროები ადგილზე მცხოვრებლებს საკუთარ ნაკვეთებშიც კი აკავებენ.

რა ხდება და როგორ ცხოვრობენ ომიდან ცხრა წლის თავზე საოკუპაციო ზოლში, ნინო ფისაძე განაგრძობს თემაზე საუბარს.