საქართველო ქვეყნის უახლესი ისტორიის ყველაზე ტრაგიკულ თარიღს იხსნებს. დღეს 2017 წლის 8 აგვისტოა-2008 წლის აგვისტოს ომიდან ცხრა წელი გავიდა.

ცხრა წლის წინ ამ დღეს როკის გვირაბიდან ცხინვალში რუსეთის 58-ე არმიის კოლონა შემოვიდა. დაიბომბა ქალაქი გორი, სამხედრო ბაზები და ქვეყნის სტრატეგიული ობიექტები. ხუთდღიან ომს 169 სამხედროს, 228 მშვიდობიანი მოქალაქის და 14 პოლიციელის სიცოცხლე შეეწირა.

აგვისტოს უმძიმეს დღეებს ის ადამიანები იხსენებენ, რომლებიც სიკვდილს შემთვევით გადაურჩნენ. ,,მოამბის” გადამღები ჯგუფი დღეს გორის რაიონის ყველა იმ სოფელში ჩავიდა, სადაც ცხრა წლის წინ რუსული ჭურვები ცვიოდა.

ჩვენმა რესპონდენტებმა დაბომბვის შედეგად ოჯახის წევრები დაკარგეს, მათი სახლები კი ოკუპანტებმა დაწვეს ან ნანგრევებად აქციეს.

საომარი მოქმედებების და საჰაერო იერიშის კვალი დღემდეა შემორჩენილი ერგნეთის ბოლოს საოკუპაციო ხაზთან მდებარე სახლში, რომლის მფლობელმა საომარი მოქმედებების ამსახველი მუზეუმი მოაწყო.

ნინო ფისაძემ მოისმინა ტრაგიკული ისტორიები.