დე-ფაქტო რეჟიმებთან თანამშრომლობის ფონზე რუსეთს საერთაშორისო ვალდებულების იძულებით შესრულება უწევს. 2006 წელს მოსკოვიდან დეპორტირებულ საქართველოს მოქალაქეს რუსეთმა კომპენსაცია ჩაურიცხა.
ეს არის პირველი შემთხვევა, როდესაც მოსკოვმა ადამიანის უფლებათა ევროპული სასამართლოს გადაწყვეტილება აღასრულა. ლია შიოშვილმა, რომელიც 11 წლის წინ რუსეთის დედაქალაქიდან ფეხმძიმე და ოთხ შვილთან ერთად გამოაძევეს, 30 000 ევროს ოდენობის კომპენსაცია მიიღო.
შიოშვილთან ერთად, სტრასბურგის სასამართლომ 2016 წლის დეკემბერში კიდევ 20-მდე დეპორტირებულის უფლებების დარღვევა დაადასტურა.
დაზარალებულებადაა ცნობილი ის 4 600-ზე მეტი მოქალაქც, რომელთა საქმები ევროსასამართლოში საქართველოს მიერ წარდგენილ სარჩელშია გაერთიანებული. ახლა თბილისი მათი კომპენსაციების დადგენას ელოდება.