ოკუპირებულ აფხაზეთში ჩასულმა ვლადიმერ პუტინმა განსაკუთრებული აქცენტი ფინანსურ დახმარებაზე გააკეთა.
რეგიონი 2017-2019 წლებში მოსკოვიდან სოლიდურ თანხას მიიღებს. საუბარია ექვს მილიარდ რუბლზე. სწორედ აფხაზეთის სოციალურ-ეკონომიკური განვითარება იყო რუსეთის პრეზიდენტის და დე-ფაქტო ლიდერის საუბრის ერთ-ერთი ძირითადი თემა.
ოკუპირებული რეგიონის მიმართ კრემლის ფინანსური მხარდაჭერა განსაკუთრებით 2008 წლის ომის და აფხაზეთის დამოუკიდებლობის აღიარების შემდეგ გაიზარდა. ოფიციალური მონაცემებით, მოსკოვიდან ჩარიცხული თანხები ინფრასტრუქტურულ პროექტებს უნდა მოხმარდეს, თუმცა ფინანსების სწორად და გამჭვირვალედ განკარგვა თითქმის ყველა ტრანშის მიღების დროს დავის და ძიების საგანი ხდება.
გაფლანგული მილიონები და დარღვევები რამდენჯერმე რუსი აუდიტორების დასკვნებშიც მოხვდა.