აგვისტო 10, 2017
102
ნიუ იორკში ქართულ-ამერიკული თეატრალური ფესტივალი გრძელდება. ბროდვეიზე „ტეატრო სირკულოში“ ამერიკელი მაყურებელი 11 ქართველი დრამატურგის პიესას ნახავს.
თამარ ბართაიასა და ლაშა ბუღაძის პიესების შემდეგ დავით ტურაშვილის ნაწამოების „რკინის გარდა“ საჯარო კითხვა მოეწყო.
საღამომ ანშლაგით ჩაიარა. ქართველი დრამატურგების ინგლისურად ნათარგმნ პიესებს საერთაშორისო დასი: „რედ ლებ ფროდაქშენი“ წარმოადგენს.
ფესტივალი ქართველი რეჟისორის ირინა გაჩეჩილაძის ინიციატივითა და ორგანიზებით ტარდება. დაგეგმილია სხვადასხვა კულტურული ღონისძიება, მიღება და წვეულებები. ფესტივალი 13 აგვისტოს დაიხურება.
მაჩვენე მეტი