პოლიტიკური პლატფორმა „ახალი საქართველო“ გამოდის ინიციატივით, რომ ქალისა და მამაკაცის საპენსიო ასაკი გათანაბრდეს და სქესის მოუხედავად პენსიის მიღება მოქალაქეებმა 60 წლიდან შეძლონ.
ამასთან დაკავშირებით პოლიტიკური პლატფორმის წევრები უახლოეს დღეებში პარლამენტში საკანონმდებლო ინიციატივას წარადგენენ, ასევე ისინი საკონსტიტუციო სასამართლოში სარჩელის შეტანასაც გეგმავენ.
პარტიის წევრების თქმით, საპენსიო ასაკი მსოფლიოს 40-ზე მეტ ქვეყანაში თანაბარია და მნიშვნელოვანი იქნება თუ საქართველოც ამ ქვეყნების რიცხვში შევა.
„თავისუფალი საქართველო“ საპენსიო რეფორმაზე იურისტების ჯგუფთან ერთად მუშაობს, ცვლილებების ინიციატივა კი პარტიის ქალთა ორგანიზაციას ეკუთვნის. აღსანიშნავია, რომ დღევანდელი მონაცემებით, საქართველოში მცხოვრები ქალებისთვის საპენსიო ასაკი 60 წელია, ხოლო მამაკაცები პენსიას 65 წლის შემდეგ იღებენ.