ჩრდილოეთ კორეა წყნარ ოკეანეში, კუნძულ გუამიზე განთავსებულ შეერთებული შტატების სამხედრო ბაზებს სარაკეტო დარტყმებით ემუქრება - იუწყება BBC. მედიიის ცნობით, ამ განცხადებით ეხმაურება ჩრდილოეთ კორეის სამხედრო უწყება აშშ-ის პრეზიდენტ დონალდ ტრამპის მუქარას, „ჯერ არნახული ცეცხლითა და მრისხანებით“ დაატყდეს თავს ჩრდილოეთ კორეას, იმ შემთხვევაში, თუ ფხენიანის ქმედებები ამერიკას საფრთხეს შეუქმნის. თავის მხრივ, დონალდ ტრამპის მუქარა, ფხენიანის მიერ ბირთვული ქობინის წარმოების შესახებ, გამოცემა „ვაშინგტონ პოსტის“ მიერ გავრცელებულ ინფორმაციას მოჰყვა. გამოცემა წერს, რომ ფხენიანს შესაძლებლობა აქვს, ბირთვული ქობინები უკვე არსებულ ბალისტიკურ რაკეტებში წარმატებით დაამონტაჟოს.