პროკურატურამ სასამართლოში 10 ტომი მაკულატურა წარმოადგინა, მამა გიორგის მხრიდან დანაშაულს ადგილი არ ჰქონია, - ამის შესახებ ე.წ. ციანიდის საქმეზე სხდომის დაწყებამდე დეკანოზ გიორგი მამალაძის ადვოკატმა მიხეილ რამიშვილმა განაცხდა.
მისი თქმით, თუ მოსამართლე დამოუკიდებელ გადაწყვეტილებას მიიღებს, გიორგი მამალაძე გამართლდება. ადვოკატი მიიჩნევს, რომ პროკურატურამ თავდაპირველად საქმე შეკერა და ახლა მის გამყარებას ამ განცხადებებით ცდილობს.
"ვერანაირი მტკიცებულებით ვერ დაადასტურებენ გიორგი მამალაძის ბრალეულობას", - განაცხადა მიხეილ რამიშვილმა.
მისი თქმით, დაცვის მხარე დასკვნით სიტყვას ამზადებს და პირველ სექტემბერს წარმოთქვამს, რის შემდეგაც ბრალდებული საბოლოო სიტყვას იტყვის და მოსამართლე განაჩენის მისაღებად სათათბიროდ გავა.