სამგლოვიარო ცერემონია ზესტაფონში.

ცხელ წერტილში დაღუპული ქართველი ჯარისკაცი სოფელ მარტოთუბნის საგვარეულო სასაფლაოზე სამხედრო პატივით დაკრძალეს. მდინარი ბებიაშვილის ოჯახს მთავრობის წევრებმა, დეპუტატებმა და ხელისუფლების ყოფილმა წარმომადგენლებმა მიუსამძიმრეს, რომლებიც დღეს ზესტაფონში იმყოფებოდნენ.

ავღანეთში დაღუპული სამხედროს ოჯახი კომპენსაციის სახით ერთჯერადად 100 000 ლარს, ყოველთვიურად კი 1 000 ლარს მიიღებს. შეიარაღებული ძალების მეორე ქვეითი ბრიგადის 23-ე ქვეითი ბატალიონის უმცროსი სერჟანტი 3 აგვისტოს ბაგრამის საავიაციო ბაზაზე ორი თვითმკვლელი ტერორისტის თავდასხმას ემსხვერპლა.

ბებიაშვილი ცხელ წერტილში დაღუპული 32-ე ქართველი ჯარისკაცია. მტკიცე მხარდაჭერის მისიის მონაწილე ავღანეთში უკვე მესამედ მსახურობდა.