ნაძალადევის რაიონში საბავშვო ბაღის მშენებლობას ჩაეყარა საფუძველი. ახალი ბაღი 2018 წელს გაიხსნება და ის სპეციალური საჭიროების ბავშვებისთვისაც იქნება ადაპტირებული.

თბილისის მერმა, დავით ნარმანიამ შენობის საძირკველში სიმბოლური კაფსულა ბაგა-ბაღების მართვის სააგენტოს ხელმძღვანელ, თემურ თოლორდავასათან ერთად ჩადო.

მერის განცხადებით, მნიშვნელოვანი იყო გურამიშვილის გამზირზე ახალი ბაღის აშენება, რადგან ძველი, ბავშვების რაოდენობას ვერ იტევდა.

"გურამიშვილის გამზირე არსებული ძველი საბავშვო ბაღის გვერდზე ვაშენებთ ახალს. ის დიდი ხანია ვერ იტევს აღსაზრდელების რაოდენობას. მშენებლობა მომავალ წელს დასრულდება და პატარებს შესაძლებლობა ექნებათ ახალ ბაღში ისწავლონ",-განაცხადა თბილისის მერი.

ბაგა-ბაღების მართვის სააგენტოს ხელმძღვანელი თემურ თოლორდავა აღნიშნავს, რომ ახალი საბავშო ბაღი ნაძალადევის რაიონში ბოლო ორი წლის განმავლობაში მესამეა და კიდევ ერთი ბაღის მშენებლობაც იგეგმება.

"ახალი ბაღი 8 ჯგუფიანი იქნება. ის გურამიშვილის ოთხ ნომერში მდებარეობს. ბაღი 300-მდე ბავშვს მიიღებს და 60-მდე ადამიანს დაასაქმებს. პროექტის ბიუჯეტი მილიონ შვიდას ორმოცდათექვსმეტი ათასი ლარია", -განაცხადა თემურ თორდინავამ.