მთავრობისა და ბიზნესსექტორის წარმომადგენლებს შორის საკონსულტაციო შეხვედრა გაიმართება.
ღონისძიებაზე ბიზნესისა და ადამიანის უფლებების საკითხზე ჩატარებული ეროვნული საბაზისო კვლევის შედეგებს განიხილავენ.
საქართველოს მთავრობის ადმინისტრაცია, ორგანიზაცია „სიდა“ და სახალხო დამცველის აპარატი ბიზნესის წარმომადგენლებს კვლევის შედეგებს წარუდგენენ.
საბაზისო კვლევის ანგარიში 2017 წლის სექტემბერში გამოქვეყნდება. კვლევა ბიზნესისა და ადამიანის უფლებების სხვადასხვა საკითხს მოიცავს, როგორც კანონმდებლობის, ისე პრაქტიკის ანალიზს.
კვლევის შედეგები დაედება საფუძვლად ბიზნესისა და ადამიანის უფლებების შესახებ სამწლიანი სამოქმედო გეგმის შემუშავებას, რომელიც ადამიანის უფლებების დაცვის შესახებ სამთავრობო სამოქმედო გეგმის ნაწილი იქნება.