საბიუჯეტო თანხების გაფლანგვის საქმეზე ბრალდებულების დამცველები პროკურატურას სიცრუის გავრცელებაში ადანაშაულებენ. სახელმწიფო დაცვის სპეციალური სამსახურის ყოფილი ხელმძღვანელი, თემურ ჯანაშია და ასევე მიხეილ სააკაშვილის ადვოკატი პროკურორ ნათია სონღულაშვილის განცხადებებს გამოეხმაურნენ, რომელიც ე.წ პიჯაკების საქმეს ეხება.
როგორც თემურ ჯანაშია და მისი ადვოკატი აცხადებენ, პროკურორი ცრუობს, როდესაც ამბობს, რომ თემურ ჯანაშია 2011 წლამდე ვალდებული იყო არ შეესრულებინა პრეზიდენტის განკარგულება. როგორც დაცვის მხარე აცხადებს, დაცვის სამსახური არის გასამხედროებული ორგანიზაცია და პრეზიდენტის განკარგულებების შესრულება სავალდებულოა სახელმწიფო დაცვის სპეციალური სამახურისთვის.
ასევე, ბრალდებულების ადვოკატები კიდევ ერთ გარემოებაზე ამახვილებენ ყურადღებას. მათი განცხადებით, გამოძიება სააკაშვილს ოფიციალურ ვიზიტებშიც დახარჯულ თანხებსაც ედავება, ერთ-ერთი ასეთი კი იტალიაში სააკაშვილის ოფიციალური ვიზიტია.
ადვოკატის განცახებით, ასეთი პრეცედენტი არცერთ ქვეყანაში არ არსებობს, როდესაც პრეზიდენტს წარმომადგენლობით ხარჯებს ედავებიან.