ოსვენციმის საკონცენტრაციო ბანაკში გადარჩენილი ისრაელ კრისტალი 113 წლის ასაკში გულის შეტევით გარდაიცვალა. კრისტალი ყველაზე ხანდაზმული იყო მათ შორის, ვინც ჰოლოკოსტს გადაურჩა.

ისრაელ კრისტალი პოლონეთში, სოფელ ზარნოვში, რაბინის ოჯახში დაიბადა. მშობლები ადრე გარდაეცვალა.

1944 წელს ნაცისტებმა მეუღლესთან და ორ შვილთან ერთად ოსვენციმის საკონცენტრაციო ბანაკში გაგზავნეს. მისი ოჯახის წევრები იმ წელსვე დაიღუპნენ, თავად კრისტალი კი 1945 წელს, ომის დასრულების შემდეგ, საბჭოთა ჯარისკაცებმა ბანაკში იპოვეს და გადაარჩინეს.

ერთ-ერთ ინტერვიუში კრისტალი ყვებოდა, რომ საკონცენტრაციო ბანაკში ყოფნისას იგი 34 კგ.-ს იწონიდა.

გასული საუკუნის 50-იანი წლებიდან ისრაელ კრისტალი ისრაელის ქალაქ ჰაიფაში ცხოვრობდა.