აშშ-ის პრეზიდენტი ვენესუელაში მიმდინარე პროცესებში სამხედრო ჩარევას არ გამორიცხავს, - ამის შესახებ დონალდ ტრამპმა დღეს განაცხადა.
„ვენესუელასთან დაკავშირებით ბევრი არჩევანი გვაქვს, მათ შორის სამხედრო ინტერვენცია, თუ ეს საჭირო გახდება. როგორც იცით, ჩვენ მთელს მსოფლიოში გვყავს საჯარისო შენაერთები, ისეთ ადგილებშიც კი, რომლებიც აშშ-ისგან შორს არის. ვენესუელა არც ისე შორსაა და იქ ხალხი იტანჯება, მათი ნაწლი იხოცება. ეს ჩვენს მეზობლად ხდება“, - განაცხადა ტრამპმა.
ვენესუელაში აღმასრულებელი ხელისუფლება ეროვნულ დამფუძნებელ საბჭოს დაექვემდებარება. მისი ჩამოყალიბების ინიციატივა პრეზიდენტ ნიკოლას მადუროს ეკუთვნის, რომელსაც ოპოზიციით დაკომპლექტებული პარლამენტის დაძლევა სურდა.
ოპოზიციური ძალები ეროვნული დამფუძნებელი საბჭოს ჩამოყალიბებისთვის ქვეყანაში გამართულ არჩევნებს არ ცნობენ და ასეთი ორგანოს შექმნას არაკონსტიტუციურად მიიჩნევენ.
ვენესუელაში არეულობა 2017 წლის აპრილში დაიწყო, შეტაკებების მსხვერპლი გახდა ასზე მეტი ადამიანი. ვენესუელას პრეზიდენტ ნიკოლას მადუროს ოპოზიცია უპირისპირდება.
კონფლიქტის მიზეზი ღრმა ეკონომიკური კრიზისი გახდა, რაც ნავთობზე მსოფლიო ფასების ვარდნამ გამოიწვია.
წყარო: CNN