დაბა თიანეთი სახალხო დღესასწაულს მასპინძლობს. ''თიანეთობა 2017“ ყოვლადწმინდა სამების საკათედრო ტაძრის კურთხევით დაიწყო.

დილიდან ტაძარში წირვა აღევლინა. დღესასწაულის ფარგლებში სხვადასხვა სპორტული და კულტურული ღონისძიებები მიმდინარეობს. ასევე, წარმოდგენილია ფშავ-ხევსურული საყოფაცხივრებო ნივთების ექსპოზიცია, მთის სამკურნალო მცენარეებისა და ხილისგან დამზადებული ჩაის გამოფენა-დეგუსტაცია. ასევე - თიანეთის ნატურალური პროდუქტების გამოფენა- გაყიდვა.

სახალხო დღესასწაულს საქართველოს პრემიერ-მინისტრი, მთავრობისა და პარლამენტის წევრები ესწრებოდნენ.