მრავალეროვნული სწავლება „ღირსეული პარტნიორი 2017“ დასრულდა. სწავლებაში მონაწილე სამხედრო მოსამსახურეებმა დღეს საჩვენებელი წვრთნა ვაზიანის მეთერთმეტე სასროლეთზე გამართეს.
საჩვენებელი სწავლება, რომელიც საბრძოლო სროლებით მიმდინარეობდა, თავდაცვით და კონტრშეტევით ამოცანებს ისახავდა მიზნად.
წვრთნის დასრულების შემდეგ „ღირსეული პარტნიორი 2017-ის“ დახურვის ოფიციალური ცერემონია გაიმართა. ცერემონიის დასაწყისში მიწვეულმა სტუმრებმა დაღუპულ გმირებს წუთიერი დუმილით პატივი მიაგეს.
სწავლებაში მონაწილე სამხედრო მოსამსახურეებს საქართველოს პრეზიდენტმა, თავდაცვის მინისტრმა, გენერალური შტაბის უფროსმა და ამერიკელმა გენერალმა მიმართეს.
ღონისძიების დასასრულს სწავლებაში მონაწილე სამხედრო მოსამსახურეების ნაწილი უწყებრივი მედლებით დააჯილდოვეს.