ირანის პარლამენტმა სარაკეტო პროგრამისთვის ბიუჯეტის გაზრდის შესახებ კანონპროექტი დაამტკიცა.
თეირანში აცხადებენ, რომ აღნიშნული კანონპროექტი ერთი თვის წინ, აშშ-ის მიერ სანქციების დაწესების საპასუხოდ შეადგინეს.
კანონპროექტს მხარი 247 დეპუტატიდან 240-მა დაუჭირა. ირანის პარლამენტის თავმჯდომარემ განაცხადა, რომ ამერიკის შეერთებულმა შტატებმა პარლამენტის აღნიშნული გადაწყვეტილება გამაფრთხილებელ გზავნილად უნდა მიიღოს.
ირანის საგარეო საქმეთა მინისტრის მოადგილემ კი აღნიშნა, რომ კანონპროექტი სარაკეტო პროგრამისთვის ბიუჯეტის გაზრდის შესახებ საერთაშორისო ექვსეულსა და ირანს შორის მიღწეული ბირთვული შეთანხმების პირობებს არ ეწინააღმდეგება.
საერთაშორისო ექვსეულსა და ირანს შორის ბირთვულ შეთანხმებას 2015 წელს მოეწერა ხელი.
შეთანხმება ირანში ბირთვული პროგრამის შეჩერებას ითვალისწინებს.