სადავო საკონსტიტუციო ცვლილებების გარშემო კონსულტაციების კიდევ ერთი ეტაპია მოსალოდნელი.

სავარაუდოდ, ხვალ საპარლამენტო უმრავლესობა ოფიციალურ განცხადებას გააკეთებს და ოპონენტებს შეხვედრას შესთავაზებს.

შესაძლოა, განხილვის ერთ-ერთი თემა საარჩევნო ბარიერი გახდეს. იგულისხმება 2020 წლის საპარლამენტო არჩევნებისთვის ბარიერის საერთოდ გაუქმება.

არსებული საკონსტიტუციო პროექტის მიხედვით კი, ბარიერი 5-დან 3 %-მდე დაიწევს. მმართველ გუნდში განმარტავენ, რომ ოპოზიციის მხრიდან მსგავსი შეთავაზების შემთხვევაში ამ საკითხს განიხილავენ. თუმცა, ოპოზიციური პარტიების მთავარ მოთხოვნად პროპორციული სისტემის 2020 წელს ამოქმედება რჩება.

მარიამ ცარელაშვილი განავრცობს თემას.